الملا جاسم النويني لطميه من التراث أه يبني دولبني زماني بيك دولبني

السلام عليك يا ابالفضل العباس 😢

آيبني شگـول اعليك آيبني
دولبني زماني بيك دوليني
ـــــــــــــــــــــــــــــــــــــ
دولبني زمان بيك ياسلوه
شلون انساك ونسه أيامنه الحلوه
اشهل بلوه المثلها ما جرت بلوه
آيبني العند الموزمه ذنبي
ــــــــــــــــــــــــــــــــــــــ
تذب البيك تسعه امن الشهر شالت
اونالت من ثجيل الحمل ما نالت
أمك جابتك يمدلل او حالت
اويوم البيه صرت ياشبل شيبني
ــــــــــــــــــــــــــــــــــــــ
شيبني اصيارك والهدم حيلي
هز مهدك يشمامه او سهر ليلي
منك حرمت امك ليش ياويلي
آخر ما گلت حقها او تطالبني
ــــــــــــــــــــــــــــــــــــــ
اطلبك سهر ليلي والمنازع ذاك
اطلبك باللبن من درَّتي الغذاك
نسيت ارباك يا جاسم نسيت ارباك
يمدلل سگمني ارباك وتعبني
ـــــــــــــــــــــــــــــــــــــ
تعبني وسگمني او غير اللوني
على صدري ربيت او مر على امتوني
حسبت احساب وحسابي طلع دوني
على راسي ابيوت امشيده تبني
ــــــــــــــــــــــــــــــــــــــ
تبني البيت لامك والجعيده امك
تصاحبني وتجيب الواجب ابصمك
ريت الگبر ضمني قبل ما ضمك
الموت الموت يبني اوياك يرغبني
ــــــــــــــــــــــــــــــــــــــ
يرغبني الكبر سني او شوفي ازهيد
حيلي راح مني والجريب ابعيد
يبني من تجي الشبان يوم العيد
صار النوح يوم العيد يطربني
ــــــــــــــــــــــــــــــــــــــ
يطربني العزه والنوح بالهجري
يفي الصيف يا عذب الهوه اليسري
اخذني الكبر منحيه الضهر تدري
ابذلة كبرتي يبني تسيبني
ــــــــــــــــــــــــــــــــــــــ
تسيب امك يجاسم من بعد عدها
عين الله على العريس واحدها
تريد اتناشدك تگعد او ناشدها
تگلك باليسر منهو اليرچبني
ــــــــــــــــــــــــــــــــــــــ
يبني الفاجدات اكثرهن امخلفات
ماتدري تموت ام الولد لو مات
يبني ارباي وينه او سهر ليلي الفات
يبني ليش ماتگعد تحاچيني

المرحوم
عبد الامير الفتلاوي

ويلاه💔

القرأن شاب لايشيب
والحسين جرح لايطيب ‏

عملاق التراث الحسيني

رحمت الله عليه

اصوات خلدها التاريخ الله يرحمه برحمته الواسعة

جاي اتسحر وليوم ٩ برمضان وتذكرت عاشور ومصيبة كربله وجيت اسمع المرحوم جاسم النويني 😢

الله يرحمك يا شيخ جاسم

7:42

الله يرحمك برحمته الواسعه

اااااه 😢😢😢😢😢😢

😭😭🥺💔💔😔😭

الله يرحمك يا جاسم النويني

كون لهساها هالقصائد الي تعيشك المصيبة بكل وقار وهدوء مو هسه الناس تستعرض😔💔

الله يرحمك برحمته الواسعه بحق الحسين

يبني الفاكدات اكثرهن مخلفات ماتدري تموت ام الولد لو مات😭😭😭

الله يرحمه

امامي💔💔💔🥺😔😔😔😔

هذه الصوت الحسين الصحيح لابوقي ولادمام. الف رحمه ع روحك هاي الرساله الحسينه الصحيحه

أحسنت النشر