ها يجاسم رحت ما اشوفك بعد
الرادود ناجي الراشد
مركز الكوثر الثقافي التعليمي
ليلة الثامن من محرم لسنة 1445هـ 2023م
ها يجاسم رحت ما اشوفك بعد
چنت أشم الهوى بشوفتك يالولد
دنيا يا يمه بغيابك شلي بيها
شيبي يرجع يمه لو أمك تجيها
أحلى ما بالدنيا من تمر عليها
مو چنت متنام أله تبوس أديها
بروحي ادثرك چنت لون جسمك برد
چنت أشم الهوى بشوفتك يالوالد
تموت يبني الأم اذا فكَدت ضناها
ألمن أمك تبقى من ماتت عساها
آني چانت ضحكتك أركض وراها
ليش الله ايام عمري ما خذاها
مر يغالي الأمس جان طعم الشهد
چنت أشم الهوى بشوفتك يالوالد
يمه دكَعد شيبت كَلبي الليالي
يعينه الله يبني اليفاركَله غالي
شلون انساك شيشيلك من خيالي
الموت تانيته شكثر بس ما اجالي
أنته تحت الترب وآنه حيلي انظهد
چنت أشم الهوى بشوفتك يالوالد
تدري شوغات البروحي منين هاية
أمشي يبني وريحة هدومك وراية
هذا شيب رموشي عندك مو كفاية
ليل صارت كلها يا جاسم سماية
عود ردتك ألي يبني يوم الشدد
چنت أشم الهوى بشوفتك يالوالد
شلون انام الليل وأنته بعيد عني
ما متت وياك يبني كلها مني
مثل نار خيام زينب يمه وني
هيچ يبني ايام هجرك عذبني
الضمه يمه الكَبر ما يــردهَ أبــد
چنت أشم الهوى بشوفتك يالوالد
يا حلات أيامنه وذيچ المسية
تضحك من بعيد من تجبل علية
كون يا جاسم عمت عيني المنية
الله لا ينطيچ كَـــاع الغاضرية
كلشي أخذتي أمس حتى طفل المهد
چنت أشم الهوى بشوفتك يالوالد
حيدر حسين الكرعاوي
source
