زينب الحره نـعـت عـبـاسـهـه الرادود ناجي الراشد
السابع من محرم لسنة 1445هـ 2023م
مركز الكوثر الثقافي التعليمي
زينب الحره نـعـت عـبـاسـهـه
طاح ابو الحملات رفعت راسهه
شافت حسين بحزن محني الظهر
سألته ودمع الجفن مثل المطر
كلهـه بالعباس خـانـانـي الـدهـر
عـالنـهـر مطـروح بين ارجاسهه
كلهه ابو السجاد شحچيلچ بعد
يعتذر مهضوم ماوفـه الـوعد
غمّضت عينه وگعته ومـاگعد
ردت گبله الروح تگضي انفاسهه
خويه يازينب شوصّف حـالته
دامي عباس وعمد شك هامته
صوبت گلبي السهام الصابته
راح عنوان الشجاعه وباسهه
لطمت اعله الراس بـت خير المله
ضلت ادمـوع المحاجر سـايـلـه
صاحت بصوت الحزنى يا كربله
امن الگمر هاليوم گطعة ياسهه
تنتظر چانت يجيهه بجوده
والگمر بالماي يوفي وعوده
مادرت تالي تـطـيح ازنـوده
اليوم ياحـاله تصد نوماسهه
گـبـل تـتـأمـل يـرد محبوبهه
والحـرايـر بـيـده يروي گلوبهه
تعتب ومـحـد سمع معتوبهه
وين صگار العده وخـلاسـهـه
✍بقلم خادم الحسين ع
الشاعر رعد الجريخي
source
هالقصيدة قُرأت بين الحرمين يوم ٧ محرم🖤
احسنتم النشر بارك الله فيكم
موفقين مأجورين طالت اعمالكم بالخير والعقيدة ان شاء الله